உபை இப்னு கஃப் றழியழ்ழாஹு அன்ஹு
காரிமார்களின் தலைவர்உபை இப்னு கஃப் றழியழ்ழாஹு அன்ஹு
- மதீனாவில் இஸ்லாம் மீளெழுச்சியுற்ற ஆரம்பத் தருணங்களிலேயே இஸ்லாத்தை ஏற்றுக்கொண்டுவிட்டார்கள்.
- அகபா உடன்படிக்கையில் பங்கேற்றவர்களுள் ஒருவர்.
- பத்ர் ஸஹாபி.
- ஃகந்தக்குடைய தினத்தில் இவர்களின் நாடி நரம்பில் அம்பு பாய்ந்துவிட்டது.
- செவியுறுவோர் மகிழ்வுறும் குரல் வளத்தில் குர்ஆனை ஓதியவர். அதனால் "ஸைய்யிதுல் குர்ரா"- காரிமார்களின் தலைவர் என்று அழைக்கப்பட்டவர்கள்.
- ஸுறா பைய்யினாவை நபி ஸழ்ழழ்ழாஹு அலைஹி வஸல்லம் அவர்களுக்கு ஓதிக்காட்டுமாறு அழ்ழாஹ்வினால் பெயர் கூறி பணிக்கப்பட்டவர்கள்.
- "குர்ஆனை இந்நால்வரிடமிருந்து கற்றுக் கொள்ளுங்கள்" என்று நபி ஸழ்ழழ்ழாஹு அலைஹி வஸல்லம் அவர்கள் குறிப்பிட்ட நால்வருல் ஒருவர்.
- குர்ஆனைப் பற்றிய ஞானம்தான் இவர்களுக்கு அழ்ழாஹ் அளித்த தனிச் சிறப்பு.
- "அழ்ழாஹ்வின் அருள்மறையில் எந்த வசனம் உயர்வானது?” என்று நபி ஸழ்ழழ்ழாஹு அலைஹி வஸல்லம் அவர்கள் கேட்க, இவர்கள் "ஆயத்துல் குர்ஸி" என்று பதில் சொல்ல, நபி ஸழ்ழழ்ழாஹு அலைஹி வஸல்லம் அவர்கள் இவர்களது இல்மிற்காக பிரத்யேகமாக துஆ செய்துள்ளார்கள்.
- நபி ஸழ்ழழ்ழாஹு அலைஹி வஸல்லம் அவர்களுக்கு முதலாவதாக வஹி எழுதியவர்கள்.
- நபி ஸழ்ழழ்ழாஹு அலைஹி வஸல்லம் அவர்கள் பணிக்க, கடிதங்களை எழுதியுள்ளார்கள்; கிடைத்த கடிதங்களை வாசித்துள்ளார்கள்.
- "ஸிஹாஹுஸ் ஸித்தா" எனும் ஆறு ஸஹீஹான ஹதீஸ் கிதாபுகளிலும் இவர்களின் ஹதீஸ்கள் இடம்பெற்றிருக்கின்றன.
- நபி ஸழ்ழழ்ழாஹு அலைஹி வஸல்லம் அவர்களின் காலத்தில் வாழ்ந்த ஆறு முஃப்திகளில் ஒருவர்.
- நபி ஸழ்ழழ்ழாஹு அலைஹி வஸல்லம் அவர்கள் உயிரோடிருக்கும்போது குர்ஆனைத் தொகுத்த நால்வருல் ஒருவர்.
- நபி ஸழ்ழழ்ழாஹு அலைஹி வஸல்லம் அவர்களின் வஃபாத்திற்குப் பிறகு இவர்களின் இரா வாழ்வு பெரும்பாலும் மஸ்ஜிதுன் நபவியில் இபாதத்களிலும், தஃவத்திலும் கழிந்தது.
- அபூபக்ர் றழியழ்ழாஹு அன்ஹு அவர்கள் அமைத்த ஷுரா சபை "அஹ்லர்ரஅயீ" இல் அங்கம் வகித்தவர்கள்.
- உமர் இப்னு ஃகத்தாப் றழியழ்ழாஹு அன்ஹு அவர்களின் ஷுரா சபையிலும் அங்கம் வகித்தவர்கள்.
- "முஸ்லிம்களின் தலைவர்" என்று உமர் இப்னு ஃகத்தாப் றழியழ்ழாஹு அன்ஹு அவர்களால் அழைக்கப்பட்டவர்கள்.
- "யாரெல்லாம் குர்ஆனைப் பற்றி அறிய விரும்புகிறீர்களோ அவர்கள் உபை இப்னு கஅஃபிடம் செல்லவும்" என்று உமர் இப்னு ஃகத்தாப் றழியழ்ழாஹு அன்ஹு அவர்கள் கூறினார்கள்.
- உமர் இப்னு ஃகத்தாப் றழியழ்ழாஹு அன்ஹு அவர்களின் காலத்தில் இரவுத் தொழுகைக்கு இவர்களின் தலைமையில் கீழ் மக்கள் தொழும்படி ஏற்பாடு செய்தார்கள்.
- உஸ்மான் இப்னு அஃப்பான் றழியழ்ழாஹு அன்ஹு அவர்களின் காலத்தில் குர்ஆன் பிரதிகளை எழுதிய பன்னிரண்டு பேர்களில் ஒருவர்.
உபை இப்னு கஃப்
ஸைய்யிதுல் குர்ரா
றழியழ்ழாஹு அன்ஹு!
அஸீம் ழாஹிர்
கொழும்பு
Comments
Post a Comment