முஆத் இப்னு ஜபல் றழியழ்ழாஹு அன்ஹு!

 ஹலால், ஹராமின் சட்டதிட்டங்களை அதிகம் அறிந்திருந்த
முஆத் இப்னு ஜபல் றழியழ்ழாஹு அன்ஹு

- மதீனாவில் இஸ்லாம் மீளெழுச்சியுற்ற ஆரம்பத் தருணங்களிலேயே இஸ்லாத்தை ஏற்றுக்கொண்டுவிட்டார்கள்.

- இரண்டாம் அகபா உடன்படிக்கையில் பங்கேற்றவர்களுள் ஒருவர்.

- கூர்மதி; எவரையும் ஈர்க்கும் நாவன்மை; இளமையின் புத்துணர்வு; சுருள் முடி; கரிய நிறக் கண்கள்; அழகிய வெண்மையான பற்கள் என்று பார்ப்பவரைக் கவரும் வசீகரத் தோற்றம் கொண்டவர்கள்.

- நபி ஸழ்ழழ்ழாஹு அலைஹி வஸல்லம் அவர்கள் மதீனாவிற்கு ஹிஜ்ரத் வந்ததும்

அவர்களை நெருங்கி, அண்மி, உற்றத் தோழராகிப் போனார்கள்.

- நபி ஸழ்ழழ்ழாஹு அலைஹி வஸல்லம் அவர்களின் அருகாமையில் அமர்ந்து குர்ஆன் வசனங்களை, சட்ட திட்டங்களை, உபதேசங்களை மிகவும் ஆர்வத்தோடு கேட்டு, அதை அங்கு வந்து கேட்க முடியாமல் போன மற்ற நபித்தோழர்களுக்கும் சொல்லும் ஆற்றல் பெற்றவராக திகழ்ந்தார்கள்.

- நபி ஸழ்ழழ்ழாஹு அலைஹி வஸல்லம் அவர்களின் சபையில் அமர்ந்து ஆர்வத்தோடு செவி மடுக்கும் அவரின் கல்வித்தாகத்தை விளங்கிய நபி ஸழ்ழழ்ழாஹு அலைஹி வஸல்லம் அவர்கள் சபைக்குள் நுழையும் போதெல்லாம், "முஆத் இருக்கின்றாரா?" என்று கேட்பார்கள்.

- "முஆதே! அழ்ழாஹ்வின் மீது ஆணையாக! நான் உம்மை நேசிக்கிறேன்" என்ற நபி ஸழ்ழழ்ழாஹு அலைஹி வஸல்லம் அவர்களின் பிரத்யேக மஹப்பத்தைப் பெற்றவர்கள்.

- பத்ர் ஸஹாபி.

- ஸஹாபாக்களுக்கு மத்தியில் குர்ஆன் பற்றிய அளவற்ற ஞானமுடையவர்களில் ஒருவர்.

- “என்னுடைய சமூகத்தில் ஹலால், ஹராம் பற்றிய தெள்ளிய அறிவு கொண்ட ஒருவர் முஆத்” என்று நபி ஸழ்ழழ்ழாஹு அலைஹி வஸல்லம் அவர்கள் அவருடைய அறிவின் ஆளுமைக்கு நற்சான்று வழங்கியிருந்தார்கள்.

- ஆலிம்களுக்கு மத்தியில் பெரிய அந்தஸ்து உடையவர்கள்.

- "குர்ஆனை இந்நால்வரிடமிருந்து கற்றுக் கொள்ளுங்கள்" என்று நபி ஸழ்ழழ்ழாஹு அலைஹி வஸல்லம் அவர்கள் குறிப்பிட்ட நால்வருல் ஒருவர்.

- நபி ஸழ்ழழ்ழாஹு அலைஹி வஸல்லம் அவர்களின் காலத்தில் வாழ்ந்த ஆறு முஃப்திகளில் ஒருவர்.

- நபி ஸழ்ழழ்ழாஹு அலைஹி வஸல்லம் அவர்கள் உயிரோடிருக்கும்போது குர்ஆனைத் தொகுத்த நால்வருல் ஒருவர்.

- ஃபத்ஹ் மக்காவிற்குப் பிறகு இஸ்லாத்தை ஏற்றுக் கொண்ட மக்களுக்கு குர்ஆனைப் போதிக்கவும், இஸ்லாமியச் சட்டங்களை கற்றுத்தரவும் நபி ஸழ்ழழ்ழாஹு அலைஹி வஸல்லம் அவர்களால் அனுப்பி வைக்கப்பட்டவர்கள்.

- யமனில் இஸ்லாத்தை ஏற்றுக் கொண்ட மக்களுக்கு குர்ஆனைப் போதிக்கவும், இஸ்லாமியச் சட்டங்களை கற்றுத்தரவும் நபி ஸழ்ழழ்ழாஹு அலைஹி வஸல்லம் அவர்களால் அனுப்பி வைக்கப்பட்ட குழுவிற்கு தலைமைத் தாங்கியவர்கள்.

- யமனில் பொய் நபி- அஸ்வத் அல் அன்ஸிக்கு எதிராகத் திரண்ட குழுவிற்கு தலைமைத் தாங்கியவர்கள். பிறகு ஸன்ஆவின் கவர்னராக நியமிக்கப்பட்டவர்கள்.

- அபூபக்ர் றழியழ்ழாஹு அன்ஹு அவர்கள் அமைத்த ஷுரா சபையில் அங்கம் வகித்தவர்கள்.

- உமர் இப்னு ஃகத்தாப் றழியழ்ழாஹு அன்ஹு அவர்களின் ஷுரா சபையிலும் அங்கம் வகித்தவர்கள்.

- உமர் இப்னு ஃகத்தாப் றழியழ்ழாஹு அன்ஹு அவர்கள் தங்களது ஆட்சிக்காலத்தில் பெரும்பாலான விவகாரங்களில் இவர்களின் கருத்துக்கே முக்கியத்துவம் வழங்குவார்கள்.

- உமர் இப்னு ஃகத்தாப் றழியழ்ழாஹு அன்ஹு அவர்களின் காலத்தில் யமனின் கவர்னராக நியமிக்கப்பட்டவர்கள்.

- சிரியாவில் மக்கள் குடியேறி நகரங்கள் விருத்தியடைய மக்களுக்கு குர்ஆனைப் போதிக்கவும், இஸ்லாமியச் சட்டங்களை கற்றுத்தரவும் உமர் இப்னு ஃகத்தாப் றழியழ்ழாஹு அன்ஹு அவர்களால் அனுப்பி வைக்கப்பட்ட மூவருல் ஒருவர்.

- ஹிஜ்ரி பதினெட்டில் ஷாம் அமவாஸில் இருபத்தைந்தாயிரம் ஸஹாபாக்களை பலி கொண்ட "தாஊன்" என்ற காலரா நோயினால் இவர்களும், இவர்களது மனைவி பிள்ளைகள் என யாவரும் ஷஹீதானார்கள்.

முஆத் இப்னு ஜபல்

அஃலமுன் நாசி பில் ஹலாலி வல் ஹராம்

றழியழ்ழாஹு அன்ஹு!

அஸீம் ழாஹிர்

கொழும்பு