வானிற்கு உயர்த்தப்பட்ட ஆமிர் இப்னு ஃபுஹைரா றழியழ்ழாஹு அன்ஹு

 வானிற்கு உயர்த்தப்பட்ட
ஆமிர் இப்னு ஃபுஹைரா றழியழ்ழாஹு அன்ஹு

- ஆபிரிக்க பரம்பரையைச் சேர்ந்தவர்கள்.

- இஸ்லாத்தை முதலாவது ஏற்றுக் கொண்டவர்களில் ஒருவர்.

- இஸ்லாத்திற்காக துன்புறுத்தப்பட்டவர்கள்.

- அபூபக்ர் றழியழ்ழாஹு அன்ஹு அவர்களின் அடிமை.

- ஹிஜ்ரத்தின் போது நபி ஸழ்ழழ்ழாஹு தொடர்ந்து மூன்று நாட்களாக மக்காவிலிருந்து தௌர் குகைக்குச் சென்று நபி ஸழ்ழழ்ழாஹு அலைஹி வஸல்லம் அவர்களுக்கும், அபூபக்ர் றழியழ்ழாஹு அன்ஹு அவர்களுக்கும் பால் கறந்து கொடுத்தவர்கள்.

- பத்ர் ஸஹாபி.

- குர்ஆனில் தேர்ச்சிபெற்ற எழுபது ஸஹாபாக்கள்/ குர்ராக்கள் வஞ்சகமாக அழைத்துச் செல்லப்பட்டு கொலை செய்யப்பட்ட "பிஃரு மஊனா"வில் இவர்களும் கொலை செய்யப்பட்டார்கள்.

பிஃரு மஊனாவில் இருந்த குர்ஆனை நன்கறிந்தவர்கள் கொல்லப்பட்டு, அம்ர் இப்னு உமய்யா றழியல்லாஹு அன்ஹு அவர்கள் கைது செய்யப்பட்டபோது அன்னாரைப் பார்த்து ஆமிர் இப்னு துஃபைல், கொல்லப்பட்டுக் கிடந்த உயிர்த் தியாகிகளில் ஒருவரைச் சுட்டிக்காட்டி, "இவர் யார்?'' என்று கேட்டான். அதற்கு அம்ர் இப்னு உமய்யா றழியல்லாஹு அன்ஹு அவர்கள், ''இவர் ஆமிர் இப்னு ஃபுஹைரா'' என்று கூறினார்கள். அதற்கு ஆமிர் இப்னு துஃபைல், ''இவர் கொல்லப்பட்ட பின்பு இவர் வானத்திற்கு உயர்த்தப்படுவதைக் கண்டேன். எந்த அளவுக்கென்றால் வானத்தை நான் நோக்கியபோது, வானத்திற்கும் பூமிக்கும் இடையில் அவர் இருந்தார்கள்" என்று கூறினான். உர்வா றஹிமஹுழ்ழாஹ் அவர்கள், "ஆமிர் இப்னு ஃபுஹைரா றழியழ்ழாஹு அன்ஹு அவர்களின் ஜனாஸா கிடைக்கவில்லை, வானிற்கு உயர்த்தப்பட்ட அன்னார் மலக்குமார்களால் அடக்கம் செய்யப்பட்டிருந்திருப்பார்கள்" என்று கூறினார்கள்.

ஆமிர் இப்னு ஃபுஹைரா

றழியழ்ழாஹு அன்ஹு!

அஸீம் ழாஹிர்

கொழும்பு